Факт е дека Марко ван Бастен не му даде шанса на нашиот репрезентативец Самир Фазли да се докаже во редовите на Херенвен. Од 7 натпревари на кои Фазли беше на клупата за резерви, влезе само на 4, од кои одигра само 93 минути за Херенвен во есенскиот дел на сезоната 2012/2013. Но бродот на ван Бастен тоне, се наоѓа на работ за испаѓање од првата холандска лига „Eredivisie“ и доколку за брзо време не внесе живост во тимот на Херенвен, ќе биде доведено во прашање и неговото тренерско место.
Самир Фазли е пуштен на позајмица во тимот на Хелмонд Спорт, кој се наоѓа на третото место во холандската прва дивизија „Eerste Divisie“. Ова ќе биде добра шанса за нашиот 21 годишен напаѓач да ги докаже своите квалитети.
WebOhrid