Нагазил на мина додека собирал печурки

Едно лице загинало при експлозија на мина во регионот на планината Љубина, на подрачјето на општината Коњиц во Босна, соопштува Федералната управа на цивилната заштита на Босна и Херцеговина.

Според информациите, Рамо Мариќ (50) заедно со неговата ќерка собирале печурки во таа област, а откако се раздвоиле, неговата ќерка слушнала детонација на стотина метри.

Телото го пронашле и извлекле припадници на деминерскиот тим од Мостар.

Од почетокот на војната во БиХ од 1992 година до денес од мини настрадале осум илјади лица. Дури 3% од територијата на БиХ е прекриена со мини. Околу 200 илјади мини се наоѓаат на 10 илјади локации ширум БиХ.

Со стратегија за делување за отстранување на мините, предвидено е Босна и Херцеговина да биде исчистена од мини до 2019 година.