Македонската одбојкарска репрезентација ќе атакува на првата позиција во квалификациите во групата за Светското првенство.
Квалификацискиот турнир ќе се одржи во Скопје во СРЦ „Кале”, а селекторот на Македонија, Николај Жељасков е оптимист.
„Ако одиграме на високо ниво може да се надеваме на првото место што за мене е секогаш главна цел. Не очекува силен турнир. Имаме многу позитивни елементи во играта. Оваа екипа има потенцијал, но во модерната одбојка може да победи само екипата, а неможе поединецот особено кога во три дена се играат три натпревари,“ – изјави Жељасков на денешната прес конференцијата.
Капитенот Никола Ѓоргиев со свое видување за квалификациите:
„За три дена ќе одиграме три натпревари, а првиот секогаш е најважен. Мора да постигнеме победа на тој дуел и после ќе мислиме на другите натпревари. Имавме жестоко темпо на подготовки, тренинзи и контролни натпревари. Расте нивото на игра и тоа ми се допаѓа што се повеќе личиме на тим“.
Македонија своите натпревари ќе ги игра во терминот од 18 часот, а противници ќе бидат Албанија (петок), Црна Гора (сабота) и Украина (недела). Другите натпревари почнуваат во терминот од 15:30 часот.
На репрезентацијата денеска последен ќе и се приклучи Вук Карановиќ, додека во стручниот штаб се надеваат дека повредите Јовица Симовски и Александар Љафтов ќе ги санираат повредите.