Рано утрово, СВР Охрид отпочна уште една акција за преглед на поширокиот планински предел во општината Дебарца. Денешната акција се реализира во атарот на селото Велмеј, а се спроведува по наредба на јавен обвинител од Охрид.
Оваа полициска активност е поврзана со пребарување на планинските места за пронаоѓање на исчезнатата малолетна девојка од селото Лешани, која во СВР Охрид на 12-ти ноември минатата година беше пријавена како исчезнато лице од страна на нејзиниот татко.
Денес, СВР Охрид врши пребарување на поширокиот планински појас околу местото викано „Натнасер бачила“ и околните предели во атарот на селото Велмеј. Акцијата започна рано утрово, а во неа учествуваат повеќе полициски службеници од полициската станица Охрид.
СВР Охрид, во изминатиов период презеде неколку вакви пошироки акции за пребарување на планинските предели над селото Лешани и околните села како и во планинскиот појас во правец на Славеј планина.