Два нови апсолутни рекорди на Македонија постигна Анастасија Богдановски на пливачкиот митинг во Сент Морис, САД. Во двата случаи ги подобруваше сопствените најдобри времиња на патеките од 100 и 200 метри слободно.
На вториот ден од Првенството на Мериленд во долги базени, по вчерашната победа на „стотка“ со државен рекорд и со остварена норма за Светското првенство во Казан 2015 година, Ана победи и на 200 метри слободно со време од 2:01,92 минути, со што за повеќе од една секунда го подобри рекордот што беше во нејзина сопственост – 2:03,11 минути.
Покрај освоеното злато во поединечна кокуренција, нешто подоцна падна рекордот и од вчера – 56,50 секунди. Како членка на штафетата 4 по 100 метри слободно Богдановски за 14 стотинки го подобри сопственото реркордно остварување. Новиот државен рекорд на 100 слободно сега е 56,36 секунди.
Богдановски на ова првство ќе плива уште и во дисциплините 50 слободно и 100 грбно, и со оглед на формата во која се наоѓа, нема да изненади ако постави уште некое најдобро остварувањa.