Денес, со почеток во 8 часот, во просторите на УИНТ „Св. Апостол Павле“се одржа првиот академски час за учебната 2014/2015 година. Настанот го отвори Ректорот на Универзитетот „Св. Апостол Павле“ проф. д-р Нинослав Марина, кој им посака успешен почеток на академската година на новите студенти.
Како најмлада високо образовна институција во државата, УИНТ го карактеризира тренд на континуиран раст и развој, раст на бројот на запишани студенти, зголемување на бројот на студиски програми, академски кадар од престижни светски Универзитети и одлично позиционирање на Шангајската ранг листа.
„На Универзитетот „Св. Апостол Павле“ се применуваат и комбинираат иновативни истражувачки и едукативни практики актуелни на светско ниво и се развиваат исклучителни академски и индивидуални вредности, што го прави овој Универзитет одличен избор и прв чекор при градење на успешна академска кариера за нашите нови студенти.“ – изјави професорот Франческо Волпони од Италија, еден од говорниците на настанот.
„Како идни студенти на УИНТ, очекуваме да се соочиме со предизвици, нови искуства и знаења во полето на информатичките науки и технологии, во оваа за нас нова интернационална и мултикултурна академска средина.“ – велат ново запишаните студенти.
На првиот час студентите добија детални информации за правилата на студирање, службите и наставно научниот кадар на Универзитетот.