Министерот Ивановски на Светскиот самит за информатички технологии 2014 во Мексико

Министерот за информатичко општество и администрација, Иво Ивановски, учествува на Светскиот самит за информатички технологии 2014, кој од 29 септември до 1 октомври се одржува во градот Гвадалахара во Мексико.

Тој ќе има обраќање на две панел дискусии – „Иднината на широкопојасниот интернет„ и „Отворени податоци за транспарентна влада„, a исто така ќе одржи и презентација пред ИКТ комората на Мексико.

Инаку, на самитот учествуваат 50 излагачи и околу 2.500 делегати од 80 земји, владини и академски претставници, извршни директори на ИКТ компании, медиуми, невладини организации, како и водачи на корпорации, кои ќе разговараат и разменуваат мислења за новите ИКТ прашања на глобално ниво. Главна тема на собирот ќе биде „Градење на заедничка дигитална ера„ во рамките на која ќе бидат покренати правни и економски прашања поврзани со неа.