ВМРО-ДПМНЕ: Ниту имало, ниту некогаш ќе има притисоци врз членовите на Унијата на жени

Во врска со соопштението на ОО на СДСМ Охрид,  реакција испрати ОК на ВМРО-ДПМНЕ Охрид, во која стои:

„СДСМ ги навреди сите граѓани. СДСМ континуирано се обидува со манипулации да го оттргне вниманието од аферите кои постојано се отвраат околу виоките претставници на нивната парија.

Ако во СДСМ се научени на таков вид на комуникација, тоа е недозволиво да го применуваат кон останатите граѓани.

Наместо да измислуваат лаги добро ќе беше на граѓаните да понудат програма, тоа се очекува од сериозна и одговорна партија. За жал СДСМ не е таква партија.

Ниту имало, ниту некогаш ќе има притисоци врз членовите на Унијата на жени на ВМРО-ДПМНЕ. Унијата на жени е дел од партијата и учествува во формирањето и реализирањето на политикита кои ги застапува ВМРО-ДПМНЕ.

Унијата на жени на ВМРО-ДПМНЕ во континуитет е присутна во сите области на живеење, било да е тоа со нашите хуманитарни акции, едукативни трибини и работилници или со нашето присуство на терен меѓу нашите сограѓани обидувајќи се да помогнеме во решавање на секојдневните предизвици со кои сите ние се сооќуваме.

Почитувани, времето на ВМРО-ДПМНЕ и Никола Груевски ниту некогаш поминало, ниту некогаш ќе помине. Напротив тоа е време во кое се спроведуваат најголемите реформи во поновата историја на Македонија, време во кое се привлекуваат најголемите странски инвестиции за вработување на младите луѓе во државата, време во кое се градат најголемите инфраструктурни проекти, автопатишта, регионални патишта, водоводи и канализација, нови училишта и градинки, време во кое земјоделците добиваат најголеми субвенции, а младите преку проектите “Купи куќа, купи стан“ и можат да го решат своето станбено прашање, да формираат семејство и да придонесат во понатамошниот општествен развој.

Господо од СДСМ, помина едно друго време, времето на Бранко Црвенкоски и СДСМ со транзицијата и најголемата кражба на македонските граѓани преку криминалната приватизација. Помина времето на распродавањето на македонскиот идентитет, виткање на кичмата за промена на името и знамето на Републиката.

Почитувани, помина времето на аболицираните и црпнати личности од Муртино, бесрамните криминалци, времето на разнебитувањето и уништувањето на Охрид како град, од луѓе кои сега како големи душегрижници пишуваат соопштенија без никаков срам. Тие што го урнисаа Охрид, го испокрадија и задолжија со десетици милиони евра, кажуваат дека поминало нечие време.

Граѓаните на Охрид и Република Македонија точно знаат чие време поминало. Тоа го покажуваат на сите преходни избори последните 10 години, давајќи му поддршка на лидерот Никола Груевски и ВМРО-ДПМНЕ.

Чие време поминало ќе кажат граѓаните на 24 април кога во Охрид СДСМ ќе доживее уште еден срамен пораз со разлика поголема од 8000 гласови.

Ете, тие и само тие – граѓаните на Република Македонија кажуваат чие време поминало.“- стои во реакцијата.