Интензивно се работи на кружниот тек кај Гимназија

Интензивно се работи на изградба на кружна крстосница на пресекот на булевар „Туристичка“ и улица „Јане Сандански“.

Во моментов на терен на овој градежен објект ангажирани се екипи на охридските Јавни претпријатија „Нискоградба“ и „Проаква“.

kruzen_tek_mini_market_4002

ЈП „Нискоградба“ работи на поставување нова атмосферска канализација за одведување води во износ од 1.478 000 денари а ЈП „Водовод- Охрид“ работи на замена на старите азбестно-цементни цевки со нови полиетиленски со вкупна должина од 300 метри. Во рамки на зафатот се обезбедуваат приклучоци за нова водоводна линија и главен приклучок за улица „Јане Сандански“ и за потребите на кружна крстосница со вкупен износ од 2.400 000 денари.

kruzen_tek_mini_market_400

Изведувачот на градежните активности, фирмата „Ив-Стил Градба“ во моментов ги врши подготвителните активности за изградба на кружниот тек.

Вкупната цена по Договорот помеѓу општина Охрид и изведувачот „Ив-Стил градба“ за овој проект е 5.829 798 денари.