Прв мрежен настан во рамки на проектот „Со читање до лидерство“

Компонентата Заедници за учење во рамките на Проектот на УСАИД „Со читање до лидерство“ спроведуван од Фондацијата Чекор по Чекор – Македонија, го организира првиот МРЕЖЕН НАСТАН помеѓу основните училишта од 1. и 2. фаза, вклучени во овој проект. Целта на мрежниот настан е споделување на искуствата, постигнувањата и предизвиците од работата на развојните активности на членовите на заедниците за учење. На оваа средба ќе учествуваат наставниците – членови на заедниците за учење кои своите развојни активности ќе ги претстават со постер презентации и Power Point презентации, а директорите на училиштата ќе ги поздрават учесниците на почетокот на настанот.

Овој мрежен настан ќе се одржува помеѓу училиштата:
1. ОУ „Симче Настоски “ – Вратница
2. ОУ „Св. Климент Охридски“ – Дрaслајца
3. ПОУ „Маца Овчарова“ – Велес

Мрежниот настан ќе се одвива на 22ри април (петок) во ОУ „Св. Климент Охридски“ – Драслајца со почеток во 13:00 часот.

Фото: www.utrinski.mk