Денес во ОУ „Христо Узунов“, пред учениците се одигра преставата „Љубопитната принцеза“ во адаптација на познатата актерка Шенка Колозова. Актерската екипа ја сочинуваа Ванчо Петрушески (царот), Владо Дојчиноски (принцот), Пируника Киселичка (принцезата) и Дубравка Киселичка (лошата Самовила).
„Драмата преставува уште една убава бајка која е адаптирана на сцена полна со магија и фантазија која целосно ги воведува младите гледачи во приказната. Карактерот на претставата е доста интерактивен, забавен и се разбира поучен“- изјави актерот Ванчо Петрушески.
По претставата учениците се дружеа и фотографираа со актерската екипа.
„Убав ден е во нашето училиште кога децата се радуваат, а впрочем присуството на еминентни актери и нивно дружење со нашите ученици е секако несекојдневно доживување за учениците.“ – вели директорот Тони Симоновски.
