АХВ: Нема пречка термички третираните говедски производи да се извезуваат

Нема никаква пречка соодветно термички третираните производи и нус производи од говедско месо да се извезуваат на рускиот пазар. Воведената забрана за увоз на говеда, месо и на други месни производи од Македонија во Русија поради појавата на болеста јазлеста кожа во нашата земја, е од времен карактер и се однесува исклучиво на живи животни, на месо и производи од говедско месо кои не се соодветно термички тертирани, како и на и нус производи од говедa (кожа) која не е соодветно третирана. Забраната за увоз, руските ветринарни власти ја вовеле согласно стандардите на Светската организација за здравствена заштита на животните – ОИЕ

Агенцијата за храна и ветеринарство ќе остане во постојан контакт и комуникација со руските ветринарни власти и ќе ја следи состојбата. По смирувањето на болеста јазлеста кожа во Република Македониија Агенцијата за храна и ветеринарство официјално ќе побара од руските ветеринарни власти да извршат реевалувација на донесента одлука и да ја укинат воведената забрана за увоз од Република Македонија.