Покривајќи околу 22 проценти од површината на Земјата, планините имаат клучна улога во придвижувањето на светот кон одржлив економски раст. Тие не само што обезбедуваат храна и благосостојба за 915 милиони луѓе во планините од целиот свет, туку и индиректно имаат корист за милијарди други луѓе.
Особено, планините обезбедуваат вода, енергија и храна – ресурси кои ќе бидат повеќе ограничени во наредните децении. Сепак, планините, исто така, имаат висока инциденца на сиромаштијата и се исклучително ранливи на климатските промени, уништувањето на шумите, деградацијата на земјиштето и природните катастрофи.
Предизвикот е да се идентификуваат нови и одржливи можности кои може да донесат корист и за планинските и за рамничарските заедници и да помогне да се искорени сиромаштијата, без да придонесуваат за деградацијата на кревките планински екосистеми.
Посветеноста и волјата да се унапредат овие причини беа зајакнати за време на Меѓународната година на планините во 2002 година, и планините се стекнаа со повисок профил на агендите на сите нивоа. Истата година, беше усвоена резолуцијата 57/245, со која Генералното собрание на Обединетите нации го назначи 11 декември, како Меѓународен ден на планините, и ја охрабри меѓународната заедница да организира настани на сите нивоа на тој ден да се нагласи важноста на одржливиот планински развој.
WebOhrid