Согласно програмата за работа и зимско одржување на магистралните патишта (ул. „Железничка“, бул. „Туристичка“ и ул. „15ти корпус“) обврска има ЈП „Македонија Пат” и истата завршува на 15ти Март, но затоа што нема најави за ниски температури и снег, 15тина дена порано екипите на ЈП „Охридски Комуналец” започнаа со отстранување на сите абразивни средства фрлени во зимскиот период од страна на ЈП „Македонија Пат”.
„Ангажирани се 8 работници кои во наредните 3-4 дена ќе извршат темелно и генерално отстранување на истите. Се работи за поголема делница и големи количини на абразивни средства наталожени по улиците.“– велат од претпријатието.
