ОУ „Дебрца“ дел од „Училишните игри без граници“

Во организација на извидничкиот езерски одред „Пионер“ денес се реализираа едукативно забавните „Училишни игри без граници“, наменети за учениците од II до IX одделение од ОУ „Дебрца“.

Начинот на натпреварување е куп систем каде што секоја екипа се натпреварува со друга врсничка екипа, а понатаму продолжува само најдобро бодуваната екипа. Најдобрите екипи ќе се натпреваруваат со екипи од други училишта и така се додека не се дојде до победниците.

„Основна цел на ваквите игри е дружењето и стекнувањето на нови пријателства, стекнување на доверба помеѓу учесниците и јакнењето на тимската работа, развивање на натпреварувачкиот дух меѓу децата и откривање на одредени вештини кои што до тогаш немале прилика да ги покажат и презентираат, создавање на почетни лидери, предводници на екипите, јакнење на организациските способности“, – појаснуваат од извидничкиот езерски одред „Пионер“.