Агенцијата за млади и спорт-генерален покровител на Шаховската олимпијада за слепи

Челните луѓе на Националниот сојуз на слепи беа во посета куќата на спортот. Претседателот на националната спортска федерација на слепи Коце Димов, претседателот на националниот сојуз на слепи на Република Македонија Жарко Селковски, како и генералниот секретар на националниот сојуз на слепи Стерја Димов беа гости во Агенцијата за млади и спорт. Тие со директорот Марјан Спасески разговараа околу организациските активности поврзани со претстојната Шаховска олимпијада за слепи и визуелно хендикепирани лица, која од 18-29.06 ќе се одржи во Охрид. На овој настан ќе настапат околу 300 учесници од 30 држави од светот.

Агенцијата за млади и спорт како и секогаш пружа посебно внимание на оваа категорија спортисти, и во таа насока се јавува како главен покровител на олимпијадата, за која од својот буџет издвои 1,8 милиони денари.