Полицаец возејќи удрил во 80-годишен велосипедист

На ден 22 септември оваа година, во 10 часот и 35 минути, на крстосницата на булеварот „Туристичка“ со улицата „Даме Груев“ во Охрид случена е сообраќајна незгода во која учествуваа патничко моторно возило марка „Шкода Јети“ сопственост на МВР на РМ, а управувано од А.Д.(48) полициски службеник вработен во СВР Охрид и велосипед марка „Рог – Пони“ управуван од Д.Б. (80) од Охрид.

Сообраќајната незгода е случена во момент кога возачот со полицискиот автомобил кој се движел по булеварот „Туристичка“ од улицата „Јане Сандански“ во правец кон булеварот „Македонски Просветители“, на критичното место со предниот дел од возилото се судрил во велосипедистот кој со движење преминувал преку коловозот од булеварот „Туристичка“ од левата према десната страна гледано од правец на движење на полицискиот автомобил.

Во незгодата со тешки телесни повреди кои не се животно загрозувачки се здобил велосипедистот Д.Б. кој со возило на Брза помош – Охрид е пренесен во болницата „Св.Еразмо“ во Охрид и задржан на понатамошно лекување.

На местото на сообраќајната незгода, извршен е увид предводен од Јавен Обвинител, овластено вешто лице, увидна екипа од полициската станица за безбедност во патниот сообраќај, главниот инспектор за сообраќајни работи при СВР Охрид, помошникот началник на Одделение за полиција и полициски советник од Секторот за внатрешна контрола и професионални стандарди-одделение Охрид.

За време на увидот сообраќајот на булеварот „Туристичка“ не беше запрен, но беше регулиран и се одвиваше по едната сообраќајна лента.

По наредба на Јавен Обвинител, во станицата за технички преглед АМД Охрид извршен е вонреден технички преглед на патничкото моторно возило „Шкода Јети“, а од учесниците во незгодата земена е крв и урина за анализа.