Србија ќе ги соборува нелегалните дронови

Србија се соочува со голем број на дронови. Според српските медиуми, се проценува дека Србија има дури 4 илјади дронови, а само 150 од нив се регистрирани, односно околу 50 регистрирани барања месечно добиваат дозвола за управување на дрон.

Казните за непријавувањето, односно нелегалното управување на дрон се високи. Паричната казна изнесува од 50 илјади до 150 илјади динари, додека пак можна е дури и затворска казна од 30 до 60 денови.

Во Србија од неодамна стигна и првиот уред за пресретнување на беспилотни летала кои летаат без дозвола, а се наоѓаат во воздушниот простор во близина на позначајните институции. Овој уред би ги соборувал сите непожелни дронови.

WebOhrid