Како што беше најавено, денес во Општина Дебрца беше организиран отворен ден за сите жители кои сакаа да остварат средба и да се консултираат со градоначалникот за секојдневните проблеми со кои се соочуваат.
„Еве денес специјално го издвоивме денов за стриктно што помасовно луѓе да дојдат така за да ги слушнам проблемите и да се почне од некаде со нивно реализирање. Почнувајќи од комунални проблеми до борба за егзистенција, значи се и сешто има, така да им ги согледуваме проблемите и сублимираме за да можеме да почнеме да ги решаваме од некаде, да ги насочиме, да се почне од некоја точка“. – изјави за WebOhrid градоначалникот на Општина Дебрца Игор Трајкоски.
Градоначалникот Трајкоски истакна дека освен денешниот отворен ден, тој е секојдневно во постојана комуникација со жителите.
WebOhrid