На денешната прес-конференција, портпаролот на Владата на Република Македонија, Александар Ѓорѓиев истакна дека како резултат на интенцијата и заложбата за обезбедување на услови и шанси за граѓаните на Република Македонија за дооформување на своето образование на влијателни и реномирани универзитети и специјализирани школи на кои се одвива настава од областа на филмската, музичката и ликовната уметност, и со цел обезбедување на услови за дополнителен развој и унапредување на овие дејности во нашата земја, Владата одлучи да ја финансира стипендијата за секое лице кое ќе успее да се запише на универзитет или специјализирана школа со соодветно меѓународно реноме на студии од овие области. Стипендијата ќе важи за факултетско образование во прв и втор степен, односно за додипломски и магистерски студии.
Стипендијата ќе важи за дооформување на образованието на универзитети и специјализирани школи кои се наведени на изработената листа од страна на Владата. Бидејќи за овој тип на школи не постои соодветна меѓународна листа која ги рангира, оваа листа за која ќе важат стипендиите ја изработија како обединета листа Министерството за образование и наука и Министерството за култура, врз основа на податоци за реномето на школите, за професорскиот кадар кој предава на истите и наставните планови и програми кои постојат на истите, и Владата ја усвои истата.
На листата се наведени вкупно 86 универзитети или специјализирани школи од овие области. Од нив 32 наведени единици се од областа на музичката уметност, 20 од областа на ликовната уметност, 19 од областа на кинематографијата и филмската продукција и 15 од областа на драмската уметност. Во текот на денешниот ден оваа листа ќе биде објавена на интернет страниците на Владата и на Министерството за образование и наука, и истата Ви ја испраќаме како прилог.
Конкурсот за стипендии за оваа намена е веќе објавен и тој ќе важи до 31.08.2013 година. Критериумите за добивање на стипендијата се едноставни и за нејзино добивање единствено ќе биде потребно кандидатот кој аплицира за стипендија да биде примен односно да биде запишан на еден од овие 86 универзитети или специјализирани школи. По запишувањето, кандидатот го известува Министерството за образование и наука дека е примен на еден од универзитетите или специјализирани школи кои се содржат на листата на Владата, и Министерството во рок не подолг од 10 дена треба да му даде позитивен одговор, за потоа кандидатот со министерот за образование и наука да потпише договор за регулација на односите. Кандидатот кој ќе добие ваква стипендија ќе има обврска по завршувањето на студиите да се врати и да одработи во Република Македонија двојно подолг период од времето во кое ги завршил студиите кои Владата ги стипендирала, на пример ако студирал 2 години, ќе треба да одработи 4 години.
Стипендијата ќе ги покрива трошоците за школарина, престој и други потреби во врска со студиите, кои детално ќе бидат утврдени со договор. Владата одлучи да нема лимит во поглед ниту на бројот на евентуални стипендии кои ќе се доделат, ниту пак во поглед на висината по единица стипендија. Апелираме што поголем број на лица да ја искористат оваа можност, да се охрабрат и да конкурираат за запишување на еден од овие универзитети или специјализирани школи, за да добијат стипендија, и да можат да стекнуваат знаења од реномирани професори на меѓународно ниво по најсовремени светски методи, и на тој начин да обезбедат подобри услови за нивен професионален и кариерен развој, од што корист покрај нив ќе има и Република Македонија.
Владата и во идниот период ќе продолжи со спроведување на мерки и активности кои значат унапредување на можностите за граѓаните на Република Македонија.
Највисоко рангирани универзитети од областа на музиката се следниве:
· Guildhall School of Music & Drama, Oбединето Кралство
· Royal Academy of Music, Oбединето Кралство
· Royal College of Music, Oбединето Кралство
· Royal Conservatoire of Scotland, Глазгов, Шкотска
· Appalachian State University, Северна Каролина, САД
· Baldwin-Wallace Conservatory of Music, Охајо, САД
· Bard College Conservatory of Music, Њујорк, САД
· Berklee College of Music, Бостон, САД
· Belmont University School of Music, Охајо, САД
· Boston Conservatory, Бостон, САД
· Bowling Green State University College of Musical Arts, Охајо, САД
· Brigham Young University School of Music
· Julliard School, Њујорк, САД
· University of Rochester, Њујорк, САД
· Vanderbilt University, Тенеси, САД
· Oberlin College, Охајо, САД
· Manhattan School of Music, Њујорк, САД
· San Francisco Conservatory of Music, Сан Франциско, САД
· Indiana University – Bloomington, Индијана, САД
· Curtis Institute of Music- Пенсилванија, САД
· New England Conservatory of Music, Масачусец, САД
· University of Cincinnati, Охајо, САД
· Cleveland Institute of Music, Охајо, САД
· University of Hartford (Hartt), Конетикат, САД
· SUNY – Stony Brook, New York, Њујорк, САД
· Аton Bruckner Private University for Music, Drama, and Dance, Обединето Кралство
· Mozarteum University of Salzburg, Салцбург, Австрија
· University of Music and Performing Arts, Грац, Австрија
· Gnessin State Musical College, Москва, Русија
· N. A. Rimsky-Korsakov Saint Petersburg State Conservatory, Санкт Петерсбург, Русија
· Saint Petersburg Court Capella, Санкт Петерсбург, Русија
· Moscow Conservatory, Москва, Русија
Највисоко рангирани универзитети од областа на ликовната уметност се следниве:
· The School of the Art Institute of Chicago, САД
· Rhode Island School of Design, САД
· University of Cincinnati, САД
· Carnegie Mellon University School of Design, САД
· Parsons The New School for Design, САД
· Pratt Institute, САД
· Royal College of Art, Обединето Кралство
· D School: Institute of Design at Stanford University, Обединето Кралство
· Copenhagen Institute of Interaction Design, Кралство Данска
· International Fashion Academy – Paris & Shanghai
· San Francisco Art Institute, САД
· The School of Art and Design Berlin, СР Германија
· University of Madrid, Кралство Шпанија
· Central Saint Martins College of Art and Design, Обединето Кралство
· The Academy of Fine Arts Prague, Р.Чешка
· Ilya Repin St.Petersburg State Academic Institute of Fine Arts, Sculpture and Architecture, Русија
· Wellesley College, САД
· Accademia Belle Arti Bologna, Р. Италија
· The Florence Academy of Arts, Р. Италија
· Oslo National Academy of the Arts, Кралство Норвешка
Највисоко рангирани универзитети од областа на кинематографијата и филмската продукција се следниве:
· American Film Institute, Лос Анџелес, САД
· Beijing Film Academy, Пекинг, Р. Кина
· California Institute of the Arts, САД
· The Film and TV School of the Academy of Performing Arts in Prague, Р. Чешка
· Wesleyan University, Конетикат, САД
· The National Film and Television School, Обединето Кралство
· University of Television and Film (HFF) Munich, Германија
· Centro de Capacitacion Cinematografica, Мексико
· Italian National Film School, Рим , Италија
· Gerasimov Institute of Cinematography, Москва, Русија
· London Film School, Обединето Кралство
· New York Film Academy, САД
· VGIK, Moсква, Русија
· La Fémis – France
· Deutsche Film und Fernsehakademie, Берлин, Германија
· Hong Kong International Film Academy, Р. Кина
· INSAS, Brussels, Белгија
· Vancouver Film School, Канада
· Le Conservatoire de Paris, Франција
Највисоко рангирани универзитети од областа на драмската уметност се следниве:
· California Institute Of The Arts School Of Theatre, Лос Анѓелес, САД
· Suny Purchase Conservatory Of Theatre Arts, Њујорк, САД
· The Juilliard School, Drama Division, Њујорк, САД
· Syracuse University School Of Drama Њујорк, САД
· UCLA , Лос Анѓелес, САД
· University Of Essex, Колчестер, Обединето кралство
· National Institute Of Dramatic Art, Кенсингтон, Австралија
· Royal Academy Of Dramatic Art, Лондон, Обединето кралство
· Queen Mary, University of London, Обединето Кралство
· Guildhall School of Music & Drama, Обединето Кралство
· Trinity Laban Conservatoire of Music and Dance, Обединето Кралство
· University of East Anglia, Обединето Кралство
· Lancaster University, Обединето Кралство
· Conservatoire for Dance and Drama, Обединето Кралство
· University of Sussex, Обединето Кралство