Претставата „Кога бев мртов“ вечерва на репертоарот на „Охридско Лето“

Вечерва со почеток во 21 часот во предворјето на црква Св.Софија, на репертоарот на фестивалот „Охридско Лето“ се игра претставата „Кога бев мртов“, во режија на Диего де Бреа, Љубљана – Словенија, изведба на „Словенско Народно Гледалишче Драма“, Љубљана – Словенија.

Претставата „Кога бев мртов“ е инспирирана од истоимената бурлеска од германскиот режисер Ернст Лубич од 1916 година. На словенечкиот фестивал „Денови на комедијата“ 2011 во Целје, ја доби наградата за најдобра претстава, а режисерот Диего де Бреа на тој фестивал доби награда за најдобра режија. 

Улогите ги толкуваат : Сопруг-Алојз Свете, Сопруга,Девојка-Јанез Шкоф, Баба,Мајка на сопругата- Јернеј Шугман, Додворувач, Шахист-Борис Михаљ и Пијанист-Јоже Шалеј.