По повод Денот на Свети Климент Охридски, Патронот на градот, делегација на Општина Охрид предводена од претседателот на Советот, Гордана Коњаноска, положи свежо цвеќе пред споменикот на заштитникот на градскиот плоштад.
Пред споменикот на Св. Климент Охридски се поклонија и делегации на основното и средното општинско училиште кое го носат името на Патронот на градот.
Претходно, претставници на општина Охрид присуствуваа на литургијата во спомен на Св. Климент Охридски во црковниот храм Св.Климент и Пантелејмон на Плаошник.
