Охридскиот Црвен крст организира акција „Охрид, од срце, за Србија и Босна!“

Црвениот крст на Р.Македонија, Црвен крст Охрид веднаш по појавата на природната катастрофа-поплава која ги зафати подрачјата на Србија и Босна, направи контакт со двете Национални друштва на Црвениот крст, односно со соодветните општински организации на Црвен крст во Србија и Босна и согласно материјално-техничките и човечки ресурси, понуди помош во екипи и опрема за спасување (спасителни чамци, тимови на спасители, тим за проценка на хуманитарните потреби на населението и станица за прочистување на вода).

Согласно нивните проценки, во овој момент потребна е следната помош:

– прехрамбени производи (конзервирани, трајни)

– вода за пиење-флаширана

– храна за бебиња

– средства за хигиена

– нова облека, обувки, гумени чизми

– ќебиња

За таа цел Црвениот крст ги презема следните активности за собирање на потребната помош:

1. Парична помош преку уплата на жиро сметка на Фондот за солидарност на Црвени крст  300000001327966, ДБ 4030984271620, Комерцијална банка

2. Донирање на 100 денари со повик на телефоните: 075/070/077  143 400

3. Собирен пункт за наведената хуманитарна помош е магацинот на Црвен крст Охрид на ул. 15-ти Корпус (кај новата автобуска станица)

Црвен крст Охрид во соработка со Општина Охрид упатува апел „Охрид, од срце, за Србија и Босна!“ и ги повикува хуманите граѓани, компании, фирми, институцаии да се приклучат на оваа хуманитарна акција, со конкретна помош за настраданото население во Србија и Босна. Собирниот пункт на Црвен крст Охрид ќе биде отворен секој ден од 10-18 часот, почнуваќи од утре, 18 мај(недела).

Повеќе детали околу акцијата, претставници на Црвен крст Охрид и Општина Охрид ќе објават утре (недела) на прес средба, која ќе се одржи, во просториите на Црвен крст Охрид.