Израел повикал 40.000 резервисти, се огласиле сирените за воздушен напад во Тел Авив

Израелската војска повикала 40 илјади резервисти за во случај ако се одлучи да започне копнена офанзива во појасот Газа. Оваа одлука е донесена денеска од страна на израелската влада по што е започната воздушна офанзива против палестинското радикално движење Хамас, пренесуваат израелските медиуми.

Неименуван претставник на војската вели дека се разгледува опцијата за копнена офанзива.

„Војската е подготвена за серии опции, вклучувајќи и копнена инвазија против Хамас кој е на власт во појасот Газа“, вели претставникот.

Војската наведува дека од воздух и море нападнала 50 места во Газа и дека се подготвува за копнена инвазија, како и дека засекогаш ги спречила ракетните напади на палестинците на Израел.

Минатите неколку недели имало повеќе ракетни напади поготово по убиството на тројцата млади евреи, за што е обвинет Хамас и убиството на едно младо момче од страна на еврејските екстремисти.

Извор: Нет Прес