Од август се проширува листата на нутритивни продукти за лица со ретки болести

Фондот за здравствено осигурување на Македонија  ја информира јавноста дека по примерот на многу европски земји излезе во пресрет на лицата со ретки болести преку проширување и воведување на нова група на нутритивни продукти на товар на Фондот.

„Овозможивме нутритивни продукти за лица со ретки болести , а тоа се посебни видови на брашно, млеко и масло за јадење кои што претставуваа основна исхрана и лек за овие лица. Оваа вулнерабилна група на граѓани во својата исхрана не може да вклучи продукти кои содржат одредени протеини и масла, а без тоа, сериозно да не го нарушат сопственото здравје. Комликациите кои произлегуваат од внесување на несоодветна исхрана покрај влошување на здравјето на лицата, доведува до зголемени трошоци на Фондот и општеството.“– велат од ФЗОМ.

ФЗОМ, од 01.08.2014 година, почитувајќи ја Програмата на Владата, воведува две новини:

1. Правото на безпротеинско брашно и безпротеинско млеко ќе го добијат сите лица со заболување на метаболизмот на аминокиселини и метаболизмот на масни киселини.
2. Право на новововедените хипоалергено млеко во прав и масло од средноланчани триглицериди за лицата со Alagille Syndrome.

За првата новина проширени се индикациите во делот на право на безпротеинско брашно и млеко за лицата со заболување на аминокиселини и масни киселини и тоа за следниве 8 групи на болести:

-Група на заболувања на метаболизам на разгранетите амино киселини (Хиперлеуцин – изолеуцинемија, хипервалинемија, изовалерична ацидемија, метилмалонична ацидемија, пропионска ацидемија);

-Група на заболувања на метаболизамот на масните киселини (адренолеукодистрофија Addison-Schilder, дефицит на мускулна карнитин палмитилтрансфераза);

-Група на заболувања на аминокиселинскиот транспорт (Цистиноза, Цистинурија, Fanconi(-de Toni)(-Debre) синдром, Hartnup-ова болест, Lowe-ов синдром);

-Група на заболувања на метаболизамот на аминокиселините со сулфур (Цистатионинурија, Хомоцистинурија, Метионинемија, Дефицит на сулфит оксидаза);

-Група на заболувања на метаболитичкиот циклус на уреата (Аргининемија, Аргининосукцинична ацидурија, Цитрулинемија, Хиперамонемија); 

-Група на заболувања на метаболизмот на лизин и хидроксилизин (Глутарна ацидурија, Хидроксилизинемија, Хиперлизинемија, Заболувања на орнитинскиот метаболизам, Орнитинемија (тип I, II));

-Група на заболувања на глицинскиот метаболизам (Хиперхидроксипролинемија, Хиперпролинемија (тип I, II), Некетонска хиперглицинемија, Саркозинемија);

Адреса: Македонија бб, 1000 Скопје

 Тел.: 02 3289 000

ИНФО ЛИНИЈА 0800 33 222 (БЕСПЛАТНА)
Е-пошта: info@fzo.org.mk
Web: www.fzo.org.mk

Група на други означени заболувања на метаболизмот на аминокиселините (заболувања на метаболизмот на ß аминокиселините и γ-глутамул циклус).

„Овие новини значат голема заштеда на овие лица и нивните фамилии затоа што се изложени на месечен трошок од 4.000 до 35.000 денари за храна. Односно 4.000 денари за безглутенското брашно, 20.000 денари месечно за безпротеинското брашно и млеко, околу 10.000 денари за Хипоалергена формула на млеко со 55-80% на средноланчани триглицериди и 3.000 денари за СЛТ маслото. Хронолошки гледано, за лицата со ретки болести кои користат исхрана како лек во своето секојдневие ФЗОМ започна со воведување на определени продукти уште во 2007 година кога за прв пат на Позитивната листа на лекови на рецепт се воведува безглутенското брашно и млеко за лицата со дијагностицирана целијакија (алергија на глутен). Во изминатиот период од страна на Фондот за здравствено осигурување се евидентирани 247 лица со дијагностицирана целијакија кои се хронични корисници на продуктот без глутен (брашно и млеко). Во февруари 2014 година со измената на Правилникот по барање на осигурени лица со ретки болести (како што е Фенил кетонуријата и Rett Syndrome), Фондот за здравствено осигурување воведе за прв пат нова група на помагала„Суплементи за дигестивни и метаболни заболувања“ кога се воведени безглутенско брашно за лица заболени од Ret Syndrome, безпротеинско брашно и млеко за лица заболени со фенилкетонурија, Заболувања на тирозинскиот метаболизам- Тирозинемии, Хистидински и Триптофански метаболизам. Сите досегашни измени кои ги воведе Фондот се однесуваат на околу 300 осигуреници со вакви заболувања.“– додаваат од ФЗОМ.

ФЗОМ се надева дека со оваа своја заложба ќе им го олесни секојдневниот финансиски терет на фамилиите на овие лица кои имаат ретки болести и понатаму доколку се појавува потреба ќе го проширува ова право.