Во Центарот за обука на вода во Охрид ќе се одржи централна свеченост по повод Денот на АРМ

На 18 август (понеделник) во Центарот за обука на вода во Охрид, со почеток во 17.00 часот, ќе се одржи централната свеченост по повод 18 Август – Денот на АРМ.

На свеченоста ќе присуствуваат: Претседателот на Република Македонија и Врховен командант Ѓорге Иванов, Претседателот на Собранието на Република Македонија Трајко Вељаноски, Вице Премиерот на Владата на Република Македонија Зоран Ставрески, Министерот за одбрана д-р Зоран Јолевски, Началникот на ГШ на АРМ генерал-потполковник Горанчо Котески, министри во Владата на Република Македонија, пратеници во Собранието на Република Македонија, поранешни министри за одбрана и началници на ГШ на АРМ, пензионирани генерали на АРМ, високи гости од повеќе институции во Република Македонија, амбасадорите и воените аташеа акредитирани во Република Македонија и други.

Според протоколот на свеченоста, со пригоден говор на присутните ќе им се обратат Претседателот на Република Македонија и Министерот за одбрана.