Делегација од ДОМ на Собранието на Европските Зелени

На собранието на Европските Зелени што од 7 до 9 ноември се одржува во Истанбул учествува делегација од ДОМ во состав: Лилјана Поповска, претседателка на партијата, Маја Морачанин, претседателка на Форумот на жени и Симона Сарделиќ и Антонио Јовановски, претседателка и потпретседател на Младинската организација на ДОМ.

Во фокусот на оваа средба се демократијата, невработеноста на младите во Европа, енергетската безбедност и климатските промени во пресрет на Самитот во Париз, идната година.

photo 2

Претседателката на ДОМ, Лилјана Поповска уште на првата сесија на групата за климатски промени извести за конференцијата на балканските зелени партии „ЕКОЛОШКА БЕЗБЕДНОСТ ЗА БАЛКАНОТ – СПРЕМЕН ОДГОВОР ЗА КЛИМАТСКИТЕ ПРОМЕНИ“ организирана во октомври од ДОМ со поддршка од Балканската мрежа, со 10 партии и 250 учесници од 9 земји. Информираше за темите, заклучоците, но и за отвореноста на балканските зелени за заедничко дејствување во овој често пати турбулентен регион.

На Собранието ќе се избира и нов генерален секретар, а меѓу кандидатите единствен претставник од Балканот е Борјана Хрисимова од Бугарските Зелени.

 10745007_10152552671789023_1706274152_n