СДСМ денес одржа прес-конференција, на која зборуваше Атанаско Тунески, член на Комисијата за енергетика. Во целост ја пренесуваме изјавата :
„Во темно, повеќе од 48 часа, се жителите на 10- на села во општина Могила.
Струја од неделата нема во Ивањевци, Новоселани, Подино, Лознани, Свето Тодори, Трновци, Вашарејца, Ношпал. Струја нема и во Маврово Ростуше.
Од сабајле има испади на далекуводите на МЕПСО кај Вруток Тетово.
До Комисијата за енергетика на СДСМ синоќа стигна информација од Вевчани дека и таму жителите два дена се без струја. Луѓе стравуваат дека ќе бидат без струја и наредните денови поради дефект на далновод помеѓу Струга и Дебар.
Информациите со коишто располагаме говорат за веќе направени рестрикции на струја во скопски општини. Ова власта го крие.
Иако од МЕПСО и од власта излегуваат утешителни вести за поправки на некои далноводи, сепак електро – системот е исклучително нестабилен.
Меѓу позасегнатите се НОВАЦИ, МОГИЛА, ВЕВЧАНИ, ЧАШКА, СТРУГА, ОХРИД коишто се речиси 2 дена без електрична енергија.
Најмалку што можеше да направи МЕПСО вчера е да ни се извини на нас граѓаните за катастрофалните барок политики со коишто заедно со власта го клекнаа на колена електро – енергетскиот систем во земјава, поради што голем дел од Македонија е во ризик да остане без струја. Требаше да падне првиот снег и температурата да се спушти на само -2, за да се видат наводните инвестиции на дело.
Дополнително прашуваме:
Зарем и СТОЛБОТ на електро – енергетскиот систем на државата, РЕК Битола, е доведен до колапс?
Дали ситуацијата е повеќе од алармантна?
Според нашите информации еден блок од РЕК сеуште не е во функција, а третиот беше надвор од системот повеќе од 24 часа и власта тоа го криеше од граѓаните.
Досега не се памети година кога од РЕК Битола се произведени помалку од 3.000 GWh електрична енергија.
Нашите очекувања се, за жал, дека оваа година Македонија ќе ја заврши со рекордно ниско производство на електрична енергија.
Еве го Диспечерскиот Извештај од АД МЕПСО. Во месец ноември 2014 година во РЕК Битола се произведени 42 процента помалку струја од планираните количини.
Тоа се 80 милиони евра дополнителни пари на грбот на граѓаните на Македонија, за увоз на електрична енергија.
СДСМ со години апелира за лошите политики на власта на Никола Груевски. Сега бараме Груевски лично да излезе и да им признае на граѓаните:
-Дали ова што се случува деновиве е почеток на распад на електро-енергетскиот систем во Македонија?“ истакна Тунески.