Православните христијани од целиот свет го слават Христовото Воскресение, ден кој што е еден од најголемите христијански празници.
Илјадници граѓани, гости и туристи вечерва во сите цркви во Охрид дојдоа да ги слушнат звуците на камбаните кои на полноќ го означија Христовото Вокресение – Велигден.
Така беше и во Црквата Св.Никола Долна Влашка Маала и во црквата Св. Богородица – Каменско, каде што река од православни верници, го дочекаа Христовото Воскресение и со запалени свеќи во рацете, со молитви за здравје и благосостојба, со кршење на велигденските јајца и секако со поздравот Христос Воскресе, Навистина Воскресе.
Централната воскресна богослужба во Охрид се одржа во манастирот „Св. Климент и Пантелејмон“ – Плаошник, каде што чиноначалствуваше Митрополитот г. Тимотеј.
Денес ќе се одржи литургија во црквите „Св. Богородица“ – Каменско, и „Св. Ѓорѓија“, со почеток во 8:00 часот.
Исто така, вечерна Архиерејска богослужба, едноцрквие ќе се одржи во црквата „Св. Софија“ – Охрид, со почеток во 17:00 часот.
Ќе има и Второ Воскресение со читање на Светото Евангелие на повеќе странски јазици, и делење на велигденски јајца.
За многу години нека ни е празникот! Христос Воскресе, Навистина Воскресе!
WebOhrid