Oвогодинешното издание на Балканскиот фестивал на народни песни и игри, во организација на Националната установа Центар за култура „Григор Прличев” – Охрид, од 6-ти до 11-ти јули ќе го одбележи 54-то годишно реномирано издание како најстара фолклорна манифестација на Балканот, на која се афирмираат културните достоинства на народите.
Годинава на Балканскиот фестивал најавено е учество на 11 ансамбли и КУД што ги негуваат традиционалните народни песни и игри од Македонија, Бугарија, Србија, Хрватска, Полска, Турција, Канада.
Отварањето на фестивалот веќе години наназад е резервирано за настап на Националниот ансамбл за народни песни и игри „Танец“.
Манифестацијата е под покровителство на Собранието на Република Македонија, а со финансиска поддршка на Министерството за култура.
Предвидена е следнава програма:
6 ЈУЛИ (Понеделник)
СВЕЧЕНО ОТВОРАЊЕ НА 54-ИОТ БАЛКАНСКИ ФЕСТИВАЛ СО ПРОГРАМА НА АНСАМБЛОТ ЗА НАРОДНИ ИГРИ И ПЕСНИ НА МАКЕДОНИЈА „ТАНЕЦ“
7 ЈУЛИ (Вторник )
• Ансамбл „Шиљаковина“ Нова Горица – ХРВАТСКА
• Ансамбл „Истанбул – Кадикој“ – ТУРЦИЈА
8 ЈУЛИ ( Среда )
• Ансамбл „Лани“ од Познан – ПОЛСКА
• Ансамбл „Македонка” , Торонто – КАНАДА
• Ансамбл „Вила” , Нови Сад , – СРБИЈА
9 ЈУЛИ ( Четврток)
• КУД „Копачка“ од с.Драмче, – МАКЕДОНИЈА
• Ансамбл „Бартина“ Сегзард , – УНГАРИЈА
10 ЈУЛИ ( Петок )
• Ансамбл “Дримкол” , Вевчани – МАКЕДОНИЈА
• Ансамбл “ од Кирениа – ТУРСКА РЕПУБЛИКА СЕВЕРЕН КИПАР
11 ЈУЛИ ( Сабота )
СВЕЧЕНО ЗАТВОРАЊЕ НА БАЛКАНСКИОТ ФЕСТИВАЛ СО
• Ансамбл „Софија 6“ од Софија , – БУГАРИЈА
• Ансамбл „Отексфолк“ од Охрид, – МАКЕДОНИЈА