Со пригодна свеченост денес во организација на СБ од НОАВМ 1941-1945 и граѓаните продолжувачи од општините Охрид и Дебрца, придружени од Здруженијата на Ветерани и ТИТОИСТИ од Охрид како и од општина Дебрца и од ОО на СДСМ-Дебрца, денес на достоинствен начин оддадоа почит, со полагање свежо цвеќе на Споменикот на паднатите борци Кременатец во месноста Раштани с.Белчишта и на споменикот на паднатите борци пред општинската зграда во с.Белчишта и бистата на Трајче Дојчиноски.
Ученици од ОУ Дебрца с.Белчишта приредија рецитал со борбена тематика во чест на паднатите борци од ова подрачје на споменикот Кременатец во с.Белчишта.
На присутните се обрати со историски час во чест на овој ден професорот по историја во пензија Наце Иваноски,каде потсети на значењето за ослободувањето од тиранијата(фашистичкиот окупатор) во Дебрчкиот, Малесискиот и Копачкиот дел од Република Македонија.
Исто така и градоначалникот на општина Дебрца, Игор Трајкоски на борците и продолжувачите од НОАВМ им порача да не се заборави овој светол датум од историјата на македонскиот народ, бидејќи е многу значаен за општина Дебрца,а потсети и на воздржаност од актуелната политичка криза, која е актуелна во Република Македонија.
Во чест на 9-ти мај ден над победата над фашизмот и Денот на Европа од страна на СБ од НОАВМ 1941-1945 и на граѓаните продолжувачи од Охрид и Дебрца беа посетени Спомен собата на НОБ во с.Белчишта(Општинска зграда) и Уметничката Ликовна колонија.
м-р Томчо Алексоски