Туроператори од Казахстан на инфо тура во Македонија

Агенцијата за промоција и поддршка на туризам на Република Македонија повторно организираше инфо тура за тур оператори. Станува збор за истакнати имиња од туристичката индустрија на Казахстан, како Premier Travel Astana, Sayat Travel Astana, HRG Kazakhstan Almaty, Global Air Almaty, Transavia Almaty, Otrar Travel Almaty, Travel Express Almaty, Be Star Almaty, Tem Tour Almaty, Kazakh Tourist Assosiation, Delovoy Kazakhstan newspaper, Turan TV, STV channel, THY ALA.

За време на престојот остварија вкупно 30 средби со приватниот туристички сектор на Македонија, и ги разгледуваа потенцијалите за вклучување на Македонија во нивната туристичка понуда. Беа изненадени од потенцијалите со кои располага Македонија, а највпечатливи за нив беа природата, езерата, спа туризмот итн. Инфо турата беше организирана во соработка со Н.Е. Илија Псалтиров, амбасадор на Република Македонија во Казахстан.

Агенцијата за промоција и поддршка на туризмот на Република Македонија ќе продолжи со иницијативата за поддршка на приватниот сектор на Р.М., преку директно поврзување со странските тур оператори.

kazakstan_turoperatori