Утревечер на скејт паркот во Охрид во организација на Центарот за интегриран развој, а со поддршка на општина Охрид ќе се одржи несекојдневен настан на алтернативна музика и екстремен спорт „Алтернативно Лето Охрид “(АЛО 2).
На скејт и БМХ натпреварот ќе учествуваат најмалку 50 натпреварувачи од Македонија и регионот. Покрај натпреварувачки карактер случувањето вклучува и забавен дел со водител и музика. За најдобрите предвидени се соодветни награди.
По завршување на натпреварувачкиот дел ќе се одржи фестивал на отворено со настап на познати имиња од алтернативната сцена од Македонија и регионот: Локален демо бенд, Bad Contract, The Author i Hardfaced, Last Hope ( Софија) , Zvezde Grajma и DJANS( Србија) DJ Goce(Скопје).
На настанот се очекува да присуствуваат најмалку 3 000 луѓе, а целта е да се промовира урбаната култура, алтернативната музика и екстремниот спорт. Вакво случување во Охрид за прв пат се одржа минатата година.
