Министерот за внатрешни работи Оливер Спасовски денеска одржа работна средба со амбасадорот на Словачка Република Н.Е. Мартин Безак. На средбата двајцата соговорници разговараа за мигрантската криза, улогата на МВР во обезбедувањето на фер и кредибилни избори на 11 декември и соработката со Специјалното јавно обвинителство.
Министерот Спасовски изрази благодарност за досегашната помош и поддршка од страна на Словачка и изрази надеж дека соработката ќе продолжи. Амбасадорот Безак најави дека оваа пријателска земја до крајот на овој месец ќе обезбеди техничка помош за Министерството за внатрешни работи, со цел да и се помогне на македонската полиција во справувањето на проблемот со мигрантите.