Средба на министерот Спасовски со амбасадорот на Република Полска

Министерот за внатрешни работи Оливер Спасовски денеска одржа работна средба со амбасадорот на Република Полска Н.Е. Јацек Мултановски.

Амбасадорот Мултановски му го честита изборот на министерот Спасовски и му посака успешна работа. Тој ja потенцира одличната соработка меѓу двете земји и решеноста на Република Полска максимално да и помогне на Република Македонија на патот кон НАТО и Европската унија. Амбасадорот Мултановски изрази интерес за најавените реформи во МВР и приоритетите во наредниот период.

Министерот Спасовски се заблагодари на честитките и досегашната соработка со Република Полска и ја потенцира решеноста за спроведување на реформи во македонската полиција, за таа да се департизира и декриминализира и да биде вистински сервис на граѓаните. Министерот Спасовски потенцира дека Министерството за внатрешни работи е во многу лоша финансиска состојба затоа што во минатото премногу средства се трошеле на непотребни работи, а полицајците неколку години работат без основните средства за работа. Министерот Спасовски потенцира дека веќе се преземени активности во сите сегменти и се работи на решавањето на проблемите.