Во 1989 година, во својата одлука 89/46, Управниот совет на Програмата за развој на Обединетите нации препорача дека 11 јули треба да се одбележи од страна на меѓународната заедница, како Светски ден на населението. Целта е да се фокусира вниманието на итноста и важноста на проблематиката на населението во контекст на целокупните развојни планови и програми, како и потребата да се изнајдат решенија за овие прашања.
Темата за 2017 година е: „Планирање на семејство: зајакнување на луѓето, развој на нациите.“
Ширум светот, околу 225 милиони жени кои сакаат да ја избегнат бременоста не користат безбедни и ефикасни методи за планирање на семејството, поради причини кои се движат од недостаток на пристап до информации или услуги до недостаток на поддршка од нивните партнери или заедници. Повеќето од овие жени со неисполнета побарувачка за контрацептивни средства живеат во 69 од најсиромашните земји на светот.
Пристапот до безбедно, доброволно планирање на семејството е човеково право. Исто така е од централно значење за родовата еднаквост и зајакнувањето на жените, и е клучен фактор за намалување на сиромаштијата. Инвестициите во планирањето на семејството, исто така, даваат економски и други придобивки што може да го поттикнат развојот.
Во 2017 година, Светскиот ден на населението, 11-ти јули, се совпаѓа со Самитот за планирање на семејството, вториот состанок на иницијативата FP2020-Планирање на семејството 2020, која има за цел да го прошири пристапот до доброволно планирање на семејството до 120 милиони жени до 2020 година.
WebOhrid