Корчула ќе ги користи искуствата на Охрид при аплицирање за УНЕСКО

Градоначалникот на Охрид Никола Бакрачески кој приватно престојува во Република Хрватска денес се сретна со Градоначалникот на градот Корчула Андрија Фабрис.

На неофицијалната средба Бакрачески и Фабрис разговараа околу искуствата во туризмот и како да се привлечат повеќе туристи, околу начините на кои во двете земји се финансираат локалните самоуправи, за искуствата во подобрувањето на комуникацијата меѓу централните и локалните власти.

Потоа разменија мислења и искуства за решавањето на сообраќајните прашања и заштитата на човековата околина и заштитата на културното наследство.

Корчула е апликант за добивање на статус на заштитено културно и природно наследство на УНЕСКО и Бакрачески и разговараа и за искуствата на Охрид кој повеќе од триесет години го има овој статус.

Договорено е комуникацијата да продолжи интензивно, а планирано е делегација на Корчула ќе го посети Охрид во октомври.

Бакрачески на Фарбис му подари и пригодни скромни подароци од градот Охрид, како и пропаганден материјал за нашиот град.