Претседателот на Република Македонија, д-р Ѓорге Иванов, утре – 6 октомври 2017 година, петок, ќе се обрати на свеченото отворање на третата Конференција на Народна Република Кина и земјите од Централна и Источна Европа, што ќе се одржи во Охрид.
Годинешната конференција, чиј домаќин е Република Македонија, е на тема „Улогата на човечкиот капитал во иницијативата – Еден појас, еден пат”. Конференцијата е во организација на Институтот „Конфуциј” при Универзитетот Св. „Кирил и Методиј”, во соработка со Економскиот факултет – Скопје и со Економскиот институт.