Утре со почеток во 9.30 часот во Конференциската сала во Министерството за надворешни работи на Република Македонија ќе се одржи дипломатски брифинг за активностите на Регионалната иницијатива за азил, бегалци и миграција – МАРРИ. Наведениот брифинг традиционално се организира во Република Македонија со цел презентирање на реализираните активности, како и претставување на плановите за развој на иницијативата. На настанот е предвидено да присуствуваат претставници од дипломатскиот кор, меѓународните организации присутни во Република Македонија, како и претставници од институциите кои имаат ингеренции во областа на миграциите. Предвидено е обраќање да имаат Д-р Агим Нухиу – Министер за внатрешни работи, како и Амбасадор Тамара Мугоша – Директор на МАРРИ Регионалниот Центар.