22-годишниот фудбалер Никола Јакимовски направи трансфер во јапонскиот тим Нагоја Грампус. Кариерата ја започна во Македонија Ѓорче Петров, кратко време помина во Ференцварош пред да се врати во Тетекс од каде направи трансфер во Јавор Ивањица каде што играше последните две сезони. Станува збор за играч од средниот ред кој добро игра и на крилните позиции, а се уфрлува и во нападот.
Иако станува збор за Јапонија, се очекува многу бргу да се адаптира во тимот кој го води Драган Стојковиќ – Пикси, а пак негов асистент е Бошко Ѓуровски.