Министерката за Внатрешни работи Гордана Јанкулоска денеска ја посети општина Дебарца, каде што со жителите разговараше за проектите кои што се дел од програмата на кандидатот за градоначалник од ВМРО-ДПМНЕ, Игор Трајкоски.
„Денеска сме со граѓаните на Дебарца, да ги слушнеме нивните мислења, нивните ставови по однос на проблемите со кои се соочува општината, бидејќи очигледно е дека и покрај извонредната местоположба, географски, Дебарца е општина која за жал од страна на претходната локална власт беше целосно запоставена и токму заради тоа денеска со граѓаните комуницираме по однос на проектите кои се составен дел од програмата на кандидатот од ВМРО-ДПМНЕ, Игор Трајкоски како иден градоначалник на општина Дебарца, односно неговата понуда за решение на најгорливите проблеми на населението во општина Дебарца, бидејќи навистина со таков потенцијал и географски и природен општина Дебарца заслужува да има подобра локална власт, заслужува да има градоначалник кој ќе се грижи за жителите на општина Дебарца“. – истакна Јанкулоска.
WebOhrid