Вчера, во хотелот “Денариус” во Охрид, претставници на Регионалниот Одбор на СОНК од Охрид остварија меѓународна синдикална средба со свои колеги –просветари и претставници на Синдикатот за образованиее на Србија (СОС). Во пријатна работна атмосфера и македонските и српските синдикални лидери ги презентираа своите активности и приоритети во поглед на правата на просветните работници, при што беа разменети различни и слични искуства на обата Синдиката.
Најмногу се разговараше на темата комуницирањето со работодавците и ефектите од тие разговори и преговори. Со посебна жар и српските синдикални претставници зборуваа за екстерното оценување и за интегралната инспекција кај нив, за што рекоа дека им бараат премногу ситници и за секоја од нив се бодира секој наставник, нешто слично со актуелните кај нас правилници и т.н. докази за утврдените оценки преку кои ќе се оценува македонскиот наставник. Во овој контекст, во Србија е воведен пилот-проект за т.н. плаќање и наградување по учинок, нешто слично што кај нас се воведе во здравството. Едно од искуствата во Србија е и платеното претседателствување на синдикалниот лидер кому за 12% му е зголемена платата за време на синдикалниот лидерски мандат, додека нашиот македонски синдикален лидер ја нема таа привилегија, односно таа финансиска поткрепа.
Покрај овие жешки теми, синдикалните македонски и српски лидери на средбата разговараа и за можна соработка на синдикален план, при што од српска страна нивните претставници упатија покана охридските синдикални лидери да ја посетат Србија и да бидат гости на регионалниот синдикат во Лесковац и да искористат можност за размена на нови искуства како и да ги споделат овдешните позитивни искуства од добрите релации СОНК – Локална самоуправа и искуствата со упорните барања на СОНК кај Министерство за образование за подобрување на условите и олеснување на потешкотиите во воспитно-образовниот процес охридските синдикални лидери ја прифатија поканата и најверојатно таа меѓународна синдикална средба во Србија ќе се случи кон крајот на месец мај оваа година.
фото: Дим Дон