Од денеска до 25 мај, граѓаните на Европската унија гласаат за свои претставници во Европскиот парламент. Повеќе од 400 милиони Европејци со право на глас од сите 28 земји-членки на ЕУ, ќе го одлучат осмиот состав во европскиот законодавен дом, кој ќе брои 751 пратеник.
Својот глас први ќе го дадат граѓаните на Холандија и Велика Британија, а изборите во недела ги затвораат Италијанците.
Новоизбраните пратеници ќе се организираат во политички групи до крајот на јуни, пред конститутивната седница на Европарламентот, која е планирана од 1 до 3 јули во Стразбур, а на која ќе биде избран и идниот претседател на Европскиот парламент.