По повод 5-ти Јуни, светскиот ден на животната средина, секторот за внатрешни работи Охрид, ќе спроведе превентивна позитивна акција во која, во соработка со Здружението на возачи – Охрид и авто-мото друштво „Технички преглед на возила“ – Охрид, врз товарните и патничките возила ќе се врши контрола на системот на испуштање на согорени гасови и користење несоодветно гориво.
За таа цел, полициската станица за безбедност во патниот сообраќај, на улицата „7 ноември“ кај Здружението на возачи, ќе постави контролен пункт и ќе врши контрола и упатување на возила на вонреден технички преглед.
Полициските службеници ќе извршат и други еко-активности за расчистување на и разубавување на полициските станици на целото подрачје на СВР Охрид.
Со овие активности, како обид за подигнување на еколошката и безбедносната култура кај учесниците во сообраќајот, СВР Охрид дава придонес и се вклучува во одбележувањето на 5-ти јуни светскиот ден на животната средина.