Согласно со новите определби на менаџерскиот тим, ЈП „ Билјанини извори“ од издавање под наем на дел од објектите очекува бериќетно лето. Од издавање под наем на фудбалскиот стадион се очекува прилив од 804.000,оо денари, од отворениот пливачки базен 280.000,оо денари, а од спортската сала ќе се инкасираат 2.760.000,оо денари.
Најголема е ставката од издавањето на спортската сала, бидејќи во неа постојано се одржуваат тренинзи на екипи кои се натпреваруваат во повисок ранг. Во спортската сала ќе се одржат Светското ракометно кадетско првенство, Меѓународниот кошаркарски турнир „ Охрид 2014“ , дел од македонските куп натпревари и други спортски манифестации.