Охрид го задржува приматот на најубаво хортикултурно уредени градови за што се заслужни вработените во „Паркови и зеленило” како дел од ЈП „ Охридски комуналец“ .Тие, особено во летниот период, се грижат одржување на јавните парковски површини, дрвореди и скверови и зеленилото на сообраќајниците на вкупна површина од 74.329 метри квадратни.
Комуналците се грижат за одржување на паркови со површина од 52.965 м2, скверови со 3.160 м2 , зеленило долж собраќајници од16.854 м2 ,зеленило во жардињери со1.350 м2 , парк шуми и вонградско зеленило на 340.000 м2 и дрвореди долж сообраќајници со 2.378 стебла.
Редовно се одржуваат тревните површини со косење, полевање, засадување сезонско цвеќе, два пати годишно и негово одржување, како и одржување на постоечкиот саден материјал во парковите. Дрворедите долж сообраќајниците исто така се одржуваат со нивно навремено окопување, чистење од трева, полевање преку сезона и кроење.
Во летниот период се интензивираат активностите и двојно се зголемува нормата за косење на тревните површини во градскиот парк, стариот дел од градот, „Даљан„ , „ Охридати„ , булевар „ Туристичка“ и населбата „ Билјанини Извори„ .
Зелените површини секојдневно се полеваат во период 00.00 часот до 06.00 часот наутро. Во овој период континуирано се врши прихрана и наводнување на новоформираните дрвореди на улиците „Партизанска„ и „Димитар Влахов„ .
