Делегација на Основното Училиште „Христо Узунов“ од први до четврти октомври присуствуваше во работна посета на збратименото училиште „Друга основна школа“ од Будва.
„Беше извршена презентација на двете училишта пред колегиумот на ОУ „Друга основна школа“, со што располагаат двете училишта, потоа беше одржано предавање на тема образовниот систем за основно образование на Република Македонија и реформите. Беа разменети многу мислења за заедничка соработка за апликација на проекти во фондовите на ЕУ и други фондови.“– информираат од ОУ „Христо Узунов“.
Оттаму додаваат дека делегацијата се запознала и со кабинетската настава и работата на педагошко/психолошката служба на школото како и програмата за работа на училиштето процесот на самоеволуација и начинот на водење на Е- Дневникот.
Делегацијата на Основното Училиште „Христо Узунов“ им подари златна маска во знак на пријателство како еден од симболите на градот.
