Заменик минстерот за образование и наука, Спиро Ристовски и ректорот на универзитетот „Свети Апостол Павле“ Нинослав Марина, беа во обиколка на објектите од старата касарна каде се изведуваат градежни работи за новиот универзитетски кампус. Ристовски го истакна своето задоволство од динамиката на досега завршените работи:
„Во оваа прва фаза за преадаптација на објектот Касарна 1 и инсталирање на системот за греење, министерството вложи 40 милиони денари и очекувам овој процес наскоро да заврши. Потоа следува втората фаза, односно целосна адаптација на објектот Касарна 2 и изградба на амфитеатар и спортска сала. Убеден сум дека со активностите што ги презема Владата на РМ, Охрид ќе добие современ студентски кампус, а универзитетот “Свети Апостол Павле“ најоптимални услови за работа“– истакна заменик министерот Спировски.
