По успешно одржаните јавни дискусии во општина Велес и општина Охрид за драфт текстот по Националната стратегија за млади во општина Струга се одржа третата јавна дискусија за Националната стратегија за млади 2016-2025 година.
На настанот присуствуваа претставници на граѓанскиот сектор, локалниот младински совет на општина Струга , претставници на општината, претставници на средните училишта од општина Струга и млади луѓе кои дискутираа за нацрт текстот на овој документ.
Процесот на креирање на Националната стратегија за млади е воден од Агенцијата за млади и спорт во соработка со Програмата за развој на Обединети Нации (UNDP), а започна во февруари оваа година кога беше најавен процесот, неговата динамика, како и планираните активности.
Во досегашниот период беа одржани повеќе работилници во рамки на деветте приоритетни области од стратегијата (младинско учество, младинско инфомирање, локална младинска работа,вработување, култура, образование, здравје, спорт и квалитет на живеење) каде беа вклучени сите заинтересирани граѓани (млади луѓе, претставници на граѓански организации, меѓународни организации и институции).
Во текот на септември и октомври предвидено е одржување на поголем број на работилници во повеќе градови во Република Македонија, каде ќе биде презентиран нацрт текстот на стратегијата.