На годинешниот филмски фестивал „Кинофест Алгоритам 2016“ во организација на гимназијата „Алгоритам“ од Скопје, ОУ „Св. Климент Охридски“ – Охрид учествуваше со два филма, од кои филмот „Еден ден од мојот живот“ на ученичката Наталија Стрезовска ја освои првата награда од публиката со над 1000 гласови.
Ова е прв филм на Стрезовска во кој самостојно, на еден духовит начин, се обиде да прикаже еден ден од животот на еден ученик. Во филмот учествуваа и други ученици кои помогнаа при снимањето и монтирањето, а ментор беше наставничката Никица Мишева.
Филмот беше проследен со внимание од страна на публиката при доделувањето на наградите што се одржа во просториите на гимназијата „Алгоритам“ во Скопје.
